ՀՀ ՊՆ-ն 1lurer.am-ի խնդրանքով պարզաբանել է որոշ լրատվամիջոցներում տարածվող տեղեկությանը, թե ադրբեջանցիները հաստատվել են Սևանա լճից ուղիղ գծով ընդամենը 5 կմ հեռավորության վրա:
«Տեղեկությունը չի համապատասխանում իրականությանը։ Հրապարակման մեջ հիշատակված բարձունքը Սևանա լճից ուղիղ գծով մոտ 30 կիլոմետր հեռավորության վրա է, գտնվում է Հայաստանի և Ադրբեջանի սահմանագծին։
Ինչ վերաբերում է նշված բարձունքին ադրբեջանական ԶՈՒ զինծառայողների ներկայությանը, ապա ինչպես սահմանագծի ամբողջ երկայնքով, այնպես էլ հենց այդ հատվածում, այլ բարձունքների վրա, մարտական հերթապահություն են իրականացնում Հայաստանի Հանրապետության զինված ուժերը»,- հայտնում են ՊՆ-ից։