ԱՄՆ պետքարտուղարության խոսնակը մեկնաբանել է մամուլում տարածված տեղեկությունը, որ Վաշինգտոնը հրաժարվում է ռուս-ուկրաինական կարգավորման գործընթացում միջնորդությունից:
Թեմի Բրյուսը հայտարարել է՝ եթե բանակցություններում առաջընթաց չլինի, ամերիկյան կողմի դերակատարման բնույթը կփոխվի, ինչի մասին բազմիցս ասել են ԱՄՆ նախագահը և պետքարտուղարը:
«Որոշ լրատվամիջոցներ մեր հայտարարությունները ներկայացրել են որպես Ուկրաինայից կամ խաղաղության գործընթացից հրաժարվելու ազդանշան, դա ճիշտ չէ: Հիմա մենք միջնորդի դերում ենք: Սակայն եթե Մոսկվան և Կիևը ջանքեր չգործադրեն, հետ կքաշվենք: Դա չի նշանակում, որ հրաժարվում ենք հրադադարի հասնելու ցանկությունից», – մանրամասնել է պաշտոնյան: