Իրանը մինչ այսօր երբեք որևէ պատերազմ չի սկսել և վերջին տասնամյակների ընթացքում միշտ եղել է ագրեսիայի զոհ, սակայն ագրեսիային ի պատասխան մենք պաշտպանվում ենք լիովին օրինական և ուժեղ կերպով: Այդ մասին ասուլիսի ժամանակ ասաց ՀՀ-ում Իրանի դեսպան Մեհդի Սոբհանին:
«Պատերազմը պարտադրվել է Իրանին, և Իրանը որևէ դեր չի խաղացել այն սկսելու մեջ: Սակայն ԻԻՀ-ն վճռականորեն տրամադրված է պաշտպանվել սիոնիստական ռեժիմի ագրեսիայից:
Սիոնիստական ռեժիմը միտումնավոր կերպով ընդլայնում է իր ագրեսիայի շրջանակը տարածաշրջանում, և դա կազդի բոլոր երկրների շահերի վրա: Այս ռեժիմի գոյությունը միահյուսված է պատերազմի ագրեսիայի, հարևանների վրա հարձակումների, լարվածության, ճգնաժամի և անկայունության սրման հետ: Նա իր գոյությունը տեսնում է պատերազմի մեջ: Պատերազմն այդ ռեժիմի համար գործիք չէ, այլ նպատակ»,- նշեց Սոբհանին: