Ուկրաինայում, Մերձավոր Արևելքում և աշխարհի այլ տարածաշրջաններում հակամարտությունների հետևում կանգնած են ԱՄՆ-ի իշխող վերնախավերն ու նրանց արբանյակները, հայտարարել է ՌԴ նախագահ Վլադիմիր Պուտինը՝ բացելով Դաղստանում իրավիճակի վերաբերյալ հանդիպումը։ Այս մասին գրում է ՏԱՍՍ-ը:
«Ե՛վ պաղեստինցիների ողբերգության հետևում, և՛ ամբողջ Մերձավոր Արևելքում կոտորածի հետևում, Ուկրաինայում, Աֆղանստանում, Իրաքում, Սիրիայում և աշխարհի բազմաթիվ այլ հակամարտությունների հետևում կանգնած են ԱՄՆ-ի իշխող վերնախավերը և նրանց արբանյակները»,- ասել է ռուսական պետության ղեկավարը՝ ընդգծելով, որ դա ակնհայտ է բոլորի համար։
Նա նաև նշել է, որ ամերիկացիները ամենուր ռազմաբազաներ են տեղադրում, ժամանակ առ ժամանակ և առանց որևէ առիթի ռազմական ուժ են օգտագործում, զենք և ֆինանսական ռեսուրսներ են ուղարկում հակամարտության գոտիներ, ատելություն են հրահրում Ուկրաինայում և Մերձավոր Արևելքում։