Որևիցե կապ ՔՊ կուսակցությունը չունի. Ալեն Սիմոնյանը՝ Գյումրու ավագանու անդամի՝ մանդատը վայր դնելու որոշման մասին

Գյումրու ավագանու «Մեր քաղաքը» դաշինքի անդամ Կարեն Բադալյանը հայտնել էր, որ վայր է դնում մանդատը, սակայն երկու օր անց նշել էր, որ չի հրաժարվում մանդատից: Մամուլում մտահոգություններ էին տարածվել, թե ՔՊ-ն Գյումրիում որոշել է մանդատներ «գողանալ»:

«Մի հոգի որոշել է մանդատը դնի, հետո որոշել է հետ վերցնի, ահա՝ այստեղ ՔՊ-ն կապ ունի: Պատգամավորներ կան «Հայաստան» դաշինքից, որ դուրս են եկել խմբակցությունից, պատգամավորներ կան, որ ՔՊ-ից են դուրս եկել. հիմա ինչ-որ մեկը փորձում է Աղազարյանին, Ասլանյանին և Գեղամ Նազարյանին մեկը մյուսից գողանա՞լ. էլ չեմ ասում, որ կան պատգամավորներ, որ ՔՊ-ով դարձան քաղաքական գործիչ, հիմա «Հայաստան» դաշինքում են: Բոլոր տեղերում այդպիսի բաներ կան: Ես հասկանում եմ, որ դրա շուրջ ուզում են քաղաքական բան եռացնել»,- ԱԺ-ում լրագողների հետ զրույցում ասաց ԱԺ նախագահ Ալեն Սիմոնյանը:

«Հիմա որ էստեղ գալիս են, նամակներ են բաժանում, ասում  են վարչապետին իմպիչմենթ անենք, ինչ-որ մեկին ուզում են գողանա՞լ:

Ոչ մեկը ոչ մեկին չի գողանում. ես այդ մարդուն չեմ ճանաչում, և որևիցե կապ ՔՊ կուսակցությունը չունի, և ասեմ ավելին՝ ցանկություն էլ չունի որևէ կապ ունենալու: Գյումրեցին իր ընտրությունը կատարել է. մենք գյումրեցուն թողնում ենք իր ընտրության հետ, տեր ենք կանգնում մեր ձայներին և շարունակելու ենք աշխատանքները: Վերջիվերջո, մենք այնտեղ առաջին տեղն ենք զբաղեցրել: Շատ, աննախադեպ շատ ձայն ենք հավաքել. 2 անգամ ավելի շատ, քան ընդդիմադիրների 2-րդ, 3-րդ կամ 4-րդ տեղը, և շարունակում ենք աշխատանքը»,- նշեց Ալեն Սիմոնյանը:

Related posts

Ամպրոպ, կարկուտ, անձրև, առանձին վայրերում՝ հորդառատ. առաջիկա օրերի եղանակի կանխատեսումը

Ճնշումնե՞ր ավագանու անդամի նկատմամբ

Մամուլի ազատության սանդղակով Հայաստանն այս տարի 34-րդ տեղում է, 2017-ին 79-րդում էր. Կոնջորյան