Գյումրիում երեկ ՙՄայր Հայաստան՚ հուշահամալիրի տարածքում հավաքվել են ՙԱզգային-Ժողովրդավարական բեւեռ՚ շարժման անդամները։ Վերջիններս քայլերթով գնացել են Գյումրիում տեղակայված ռուսական 102-րդ ռազմաբազայի տարածք` փակելով այնտեղ տանող ճանապարհը, նպատակ ունենալով շրջափակել ռազմաբազան։ Նախաձեռնության մասնակիցների խոսքով՝ ակցիան հակառուսական է, պատճառը, ըստ վերջիններիս, Հայաստանը Արցախին կապող միակ ճանապարհի փակ լինելու հարցում Ռուսաստանի անգործությունն է:
Ակցիայի մասնակիցների պահանջը Արցախում միջազգային խաղաղապահների տեղակայումն է: