Մայիսի 13-ին՝ ժամը 09։49-ին, Շիրակի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Լուսաղբյուր գյուղի «Սմավերդի» կոչվող լճում քաղաքացին ջրի տակ է սուզվել և դուրս չի եկել. անհրաժեշտ է փրկարարների օգնությունը: Այս մասին տեղեկացնում է ՆԳՆ Փրկարար ծառայությունը։ Դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ և հատուկ ջրափրկարարական ջոկատի օպերատիվ խումբը՝ ջրասուզակով: Ջրասուզակը հայտնաբերել է քաղաքացու դին և դուրս բերել ափ։ Նշենք որ, ըստ «Այսօր» լրտավականի տեղեկությունների՝ ջրահեղձ եղած քաղաքացին ձկնորսություն անելիս է ջուրն ընկել: Վերջինս 1998 թվականին ծնված Անդրանիկ Սարգսյանն էր: Դեպքի վայրում եղել է նաև Շիրակի մարզպետ Դավիթ Առուշանյանը: