Փետրվարի 17-ին, ժամը 11։53-ին Շիրակի մարզային ճգնաժամային կառավարման կենտրոն ահազանգ է ստացվել, որ Աշոցք գյուղի 1-ին փողոցի թիվ 36 տան ավտոտնակում այրվում է ավտոմեքենա:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հրշեջ-փրկարարները հրդեհը մեկուսացրել են ժամը 12։05-ին, մարել՝ 12։15-ին։ Այրվել է «ՎԱԶ-21099» մակնիշի ավտոմեքենայի շարժիչի հատվածը և ցուցիչների վահանակը՝ մասամբ: