Շիրակի մարզի Աշոցք համայնքում դեկտեմբերի 5 –ի տեղական ինքնակառավարման մարմինների ընտրություններին համայնքի բնակիչների ակտիվությունը մինչեւ ժամը 15:00-ը այնքան էլ նկատելի չէր: Տեղի միջնակարգ դպրոցում տեղակայված 30/10 ընտրատեղամասի հանձնաժողովի նախագահ Վահան Մարտիրոսյանի տեղեկացմամբ՝ այստեղ 944 ընտրողից մինչեւ ժամը 15:00-ն իր քաղաքացիական պարտքն էր կատարել 204 ընտրող: 30/10 ընտրատեղամասում , ըստ կանոնակարգի առավոտյան ժամը 8:00-ին բացվել են ընտրատեղամասի դռները , որեւէ խախտում կամ խոչընդոտ չեն արձանագրել ինչպես հանձնաժողովականները, այնպես էլ վստահված անձինք եւ դիտորդները:
Ի տարբերություն Աշոցքի, Մեծ Սեպասարում մինչեւ 15:30-ը արդեն ընտրողների մեծ հոսք եւ ակտիվություն էին գրանցվել: Այս մասին փաստեցին Մեծ Սեպասարի դպրոցում տեղակայված 30/06 ընտրատեղամասի հանձնաժողովականները: Հանձնաժողովի նախագահ Գրետա Ջանոյանի խոսքով՝ 632 ընտրողից իրենց քաղաքացիական պարտքը կատարել էին 220-ը: