Մերօրյա սպորտի մասին խոսելիս հնարավոր չէ շրջանցել համավարակի թեման: Հատկապես անցած տարի այն շատ ազդեց հայ մարզիկների վրա: Ծանր ժամանակներ էին, կամաց-կամաց փորձում են ուշքի գալ: Գյումրու Յուրի Վարդանյանի անվան ծանրամարտի մարզադպրոցում հիմա էլ սաներին բաշխել են տարբեր խմբերի, որպեսզի մարզադահլիճում պահպանվի անհրաժեշտ հեռավորությունը: Կարեւորը սաների առողջությունն է: Անցած տարին բարդ դասավորվեց, սակայն դպրոցի հավաքական թիմը գրեթե չի դադարեցրել մարզումները: