Սեպտեմբերի 3-ին Չինաստանը կանցկացնի մեծ ռազմական շքերթ, որը կղեկավարի նախագահ Սի Ծինփինը։ Միջոցառումը նվիրված է Երկրորդ աշխարհամարտում ճապոնական ագրեսիայի դեմ չինական և խորհրդային բանակների համատեղ հաղթանակի 80-ամյակին։
ՀՀ վարչապետ Նիկոլ Փաշինյանը նույնպես հրավիրված է մասնակցելու այդ միջոցառմանը։
«Արմենպրես»-ի հաղորդմամբ՝ այդ մասին հայտնել է ՀՀ-ում Չինաստանի Ժողովրդական Հանրապետության արտակարգ և լիազոր դեսպան Լի Սինվեյը։
«Մենք հույս ունենք, որ այդ արարողության միջոցով հնարավոր կլինի առաջ քաշել ճիշտ պատմական ըմբռնում, ամրապնդել ներկա համախմբվածությունը և ընդլայնել խաղաղության ուժը»,- ասել է Լի Սինվեյը։