Նախագահ Խաչատուրյանը և դեսպան Ցվետկովիչը քննարկել են Հայաստանի ու Սերբիայի հարաբերությունների զարգացման հեռանկարները

Հանրապետության նախագահ Վահագն Խաչատուրյանն այսօր ընդունել է Հայաստանում Սերբիայի արտակարգ և լիազոր դեսպան Տատյանա Պանայոտովիչ Ցվետկովիչին:

Հանդիպման սկզբում նախագահը ողջունել է դեսպանին և շնորհավորել Սերբիայի Հանրապետության Պետականության տոնի կապակցությամբ՝ մաղթելով հաջողություններ և բարգավաճում:

Դեսպանը շնորհակալություն է հայտնել ընդունելության և ջերմ խոսքերի համար:
Հանդիպման ընթացքում կողմերն անդրադարձել են Հայաստանի և Սերբիայի հարաբերությունների զարգացման հեռանկարներին և համագործակցության ընդլայնման հնարավորություններին:

Առանձնահատուկ կարևորվել են երկկողմ բարձրաստիճան այցելությունները և լավագույն փորձի փոխանակումը: Քննարկվել են կրթության, մշակույթի, տնտեսության և այլ ոլորտներում փոխգործակցության խթանման ուղիները:

Կողմերը նշել են տնտեսական համագործակցության զարգացման մեծ ներուժը և դրա իրականացման անհրաժեշտությունը:

Զրուցակիցները միակարծիք են եղել, որ տարածաշրջանում կայուն և հարատև խաղաղության հաստատումը հրամայական է, և այդ ուղղությամբ անհրաժեշտ են համատեղ ջանքեր:

Related posts

«Ռուսական համայնքի» ուժայինները ներխուժել են Լենինգրադի բնակարաններից մեկը․ ՀՀ քաղաքացի է մահացել

Պարոնա՛յք Ռոբերտ և Լևոն Քոչարյաններ, մենք մեր քաղաքական թշնամիների մայրերին միայն առողջություն ենք մաղթում. Ալեքսանյան

Աննախադեպ մի բան. Ալեն Սիմոնյանը՝ ընդդիմադիրների հայտարարության մասին