Բնակիչներին զգուշացվել է եղանակի հետագա վատթարացման մասին։
Օդերևութաբանների կանխատեսումների համաձայն՝ առաջիկա օրերին էլ մեկ քառակուսի մետրի վրա կտեղա մինչև 20 լիտր անձրևաջուր։ Տեղումները կհանգեցնեն օդի ջերմաստիճանի նվազմանը:
Քաղաքային իշխանությունները զգուշացրել են քաղաքի բնակիչներին տրանսպորտի հնարավոր ուշացումների և երթուղիների փոփոխությունների մասին:
Հեղեղումների պատճառով ժամանակավորապես փակվել է մետրոյի «Ռիգա» կայարանի նախասրահը:
Պետական ճանապարհային անվտանգության տեսչությունը հայտնել է Դմիտրովսկոյե մայրուղու թիվ 62 տան մոտակայքում երթևեկության լիակատար փակման մասին: Այնտեղ ճանապարհն ամբողջությամբ հեղեղվել է:
Մոսվոդոստոկի ջոկատներն ու հատուկ տեխնիկան հերթապահում են փողոցներում: Հետիոտներին խնդրում են չկանգնել ծառերի և գովազդային վահանակների տակ, իսկ վարորդներին՝ չկայանել դրանց մոտ:
Մինչև օրվա վերջը կշարունակվեն ուժեղ անձրևները՝ ամպրոպներով և կարկուտով: Քամին կարող է ուժեղանալ մինչև 18-23 մ/վ արագությամբ: Ականատեսները հրապարակում են բազմաթիվ տեսանյութեր՝ վատ եղանակի հետևանքների մասին: