Օգոստոսի 18-ին՝ ժամը 10:25-ին, Շիրակի մարզային ճգնաժամային կառավարման կենտրոն ահազանգ է ստացվել, որ հրդեհ է բռնկվել Գյումրի քաղաքի Գորկու փողոցում գտնվող տներից մեկում։ Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ։
Հետաքննությամբ պարզվել է, որ հրդեհը բռնկվել է ննջասենյակում, ինչի հետեւանքով գույքն այրվել է ամբողջությամբ:
Հրդեհի ժամանակ տանը մարդ չի եղել, վերադարձել են ու արդեն տեսել մոխրացած գույքն ու բնակարանը: Դեպքի հանգամանքները կպարզի հետաքննությունը, նախնական վարկածով՝ բռնկման պատճառը հոսանքալարերն են: