Հոկտեմբերի 13-ին Վարշավայի անվտանգության ֆորումի շրջանակներում ՀՀ արտաքին գործերի և միջազգային առևտրի նախարար Արարատ Միրզոյանը հանդիպում է ունեցել Ուկրաինայի արտաքին գործերի նախարար Անդրիյ Սիբիհայի հետ։ Այս մասին տեղեկացնում են ԱԳՄԱ նախարարությունից:
Զրուցակիցները քննարկել են Հայաստան–Ուկրաինա երկկողմ հարաբերությունների զարգացման հնարավորությունները՝ կարևորելով քաղաքական երկխոսության դինամիկ շարունակականությունը։
Արարատ Միրզոյանը և Անդրիյ Սիբիհան անդրադարձել են երկու երկրների միջև առևտրային կապերի ընդլայնման հնարավոր տարբերակներին:
Մտքեր են փոխանակվել բազմակողմ հարթակներում նախաձեռնությունների շուրջ:
Անդրադարձ է եղել միջազգային և տարածաշրջանային զարգացումներին, առկա խնդիրների կարգավորման և խաղաղության հնարավորություններին: