Գյումրեցի Մարանջյանների ընտանիքում մեծ ուրախությամբ ու անհանգստությամբ են սպասել փոքրիկ Էդվարդի լույս աշխարհ գալուն: Էդվարդը ծնվեց հունվարի 12-ին Գյումրու «Մոր եւ մանկան» ավստրիական հիվանդանոցում եւ կրեց հորեղբոր՝ ծանրամարտիկ, Արցախյան 44-օրյա պատերազմի հերոս Էդվարդ Մարանջյանի անունը: Ուժեղ ու համարձակ էր Էդվարդը, արժանի զավակ՝ հայրենիքի ու ընտանիքի համար: Փոքրիկի ծնողները հուզմունքով ու հպարտությամբ են որդուն կնքել հորեղբոր անունով: