ՀՀ կրթության, գիտության, մշակույթի եւ սպորտի նախարարության եւ Մեդիա նախաձեռնությունների կենտրոնի կողմից հանրապետությունում նոյեմբերի 7-13-ը հայտարարվեց մեդիագրագիտության շաբաթ, որը հնարավորություն տվեց դպրոցներին, բուհերին, կրթական եւ մշակութային կենտրոններին, ինչպես նաեւ այլ շահագրգիռ կառույցներին՝ միանալու շաբաթվան ու ընդլայնելու գիտելիքները մեդիաաշխարհում: Հենց այդ շրջանակում այս շաբաթվա ընթացքում «Ցայգ» հեռուստաընկերությունում հյուրընկալվեցին Գյումրու մի շարք դպրոցների տարբեր դասարանների աշակերտներ՝ բացահայտելու ոլորտային գաղտնիքները: