Շուշիի Մ. Խանդամիրյանի անվան պետական թատրոնը վերականգնվել է շրջիկ թատրոնի ձևաչափով և «Հայաստան» համահայկական հիմնադրամի ֆինանսավորմամբ կրկին Արցախում է:
Թատրոնը 12-օրյա ներկայացումներով հանդես է եկել Արցախի շրջանների՝ Հաթերք, Մեծ Շեն, Հին Շեն, Եղցահող, Չլդրան, Դրմբոն, Մաղավուզ, Վանք, Խնձրիստան, Մուշկապատ, Ննգի, Աստղաշեն, Պատարա, Այգեստան, Իվանյան, Գետավան և Կոճողուտ գյուղերում, ինչպես նաև Մարտակերտ քաղաքում և Ստեփանակերտի երեխաների խնամքի և պաշտպանության գիշերօթիկ հաստատությունում:
Այդկերպ, «Հայաստան» հիմնադրամը փորձում է բարելավել սահմանամերձ բնակավայրերում ապրող երեխաների հոգեբանական վիճակը: