Ճապոնիայում տեղի ունեցած երկրաշարժի հետևանքով զոհերի թիվը հասել է 168-ի, 323 մարդու հետ կապն ընդհատված է, այս մասին գրում է РИА Новости-ն։
Վաջիմա քաղաքում գրանցված ավերածությունների մասին վերջնական տվյալ չի հաղորդվում։ Նշվում է, որ երկրաշարժից հետո քաղաքում բռնկված հրդեհի հետևանքով վառվել է շուրջ 200 տուն։
Հիշեցնենք, որ Ամանորին Ճապոնիայի արևմտյան հատվածում հզոր երկրաշարժեր են տեղի ունեցել, որոնցից ամենաուժեղը 7,6 մագնիտուդ է եղել։