«Հայասան» պայքարում է չեմպիոնության համար: Նպատակը Չեմպիոնների լիգայի խաղարկության ուղեգիր ձեռք բերելն է: Չեն շտապում, սակայն հեռուն տանող նպատակներ ունեն: Մարզումային գործընթացին զուգահեռ մրցաշրջանի գարնանային փուլին պատրաստվող «Հայասան» նախաապատրաստական փուլի ընթացքում փորձում է լուծել նաեւ կադրային բացերն ու խնդիրները: Թիմը նոր համալրումներ ունի: Միացել են մի շարք ֆուտբոլիստուհիներ արտասահմանից, ինչպես նաեւ Գյումրին ներկայացնող համանուն թիմից: