Գյումրեցի Ալեքի՝ Ալեքսան Ռազմիկի Սիմոնյանի մանկության բակում նրա ժպտացող նկարն է, հրետանավորի իրերն ու պատանեկության տարիներից կյանքի համար ինչ-որ նախախնամությամբ ընտրված կարգախոսը՝ «Իմ կյանքը իմ պատերազմն է»: Ալեքն հենց այսօր կդառնար 24 տարեկան, տարեդարձ է՝ առանց հոբելյարի: 44-օրյա պատերազմի մասնակից Ալեքսանի հիշատակի խաչքարն այսուհետ կհիշեցնի հայորդու սխրանքն ու կռիվը՝ հանուն հայրենիքի վաղվա օրվա: