Հռոմի Ֆրանցիսկոս Պապը Սուրբ Պետրոսի հրապարակում կիրակնօրյա քարոզի ժամանակ մտահոգություն է հայտնել Լեռնային Ղարաբաղի շուրջ ստեղծված իրավիճակի վերաբերյալ։
«Ես դարձյալ Ադրբեջանի և Հայաստանի միջև երկխոսության կոչ եմ անում: Հուսով եմ, որ կողմերի միջև բանակցությունները միջազգային հանրության աջակցությամբ կհանգեցնեն ամուր համաձայնագրի, որը վերջ կդնի հումանիտար ճգնաժամին:
Աղոթում եմ Ստեփանակերտի մերձակայքում տեղի ունեցած պայթյունի զոհերի համար»,- հավելել է Հռոմի Պապը: