292 գազել, 16 քառյակ. իրանական քնարերգության մեծագույն վարպետներից մեկի՝ Հաֆեզի ընդգրկուն ժողովածուն ներկայացվել է Գյումրիում։ Բոլոր ժամանակների թերևս ամենաազդեցիկ պարսիկ բանաստեղծը ՝ Հաֆեզը թարգմանվել է անհամար լեզուներով, և նրա ստեղծագործությունները հատկապես ազդեցիկ են եղել մի շարք վաղ եվրոպական ռոմանտիկների, այդ թվում ՝ Գյոթեի և Ֆրիդրիխ Շիլլերի համար: Մեծ պոետի գազելներն ու քառյակները բնագրից հայերեն թարգմանել է Ժորժ Աբրահամյանը: Հայաստանում գրքի առաջին հրատարակությունը՝ 700 օրինակ վաճառվել է երկու ամսում։ Սա աննախադեպ ցուցանիշ է պոեզիայի դեպքում։ Հրատարակչությունը վերահրատարակել է այն։