Հայկական համացանցը հստակ վտանգ է ներկայացնում երկրի համար. պետք է սովորենք ֆիլտրել

Նախկինում մեր երկրում առկա ճգնաժամերի ժամանակ՝ լինի դա առաջին արցախյան պատերազի ժամանակ, թե ներքաղաքական ճգնաժամերի ժամանակ, չկար համացանցի գործոնն այս մասշտաբներով: Վերջին 10 տարիներին այն ուժգնացավ: Այս մասին «Առաջին լրատվական»-ի հետ զրույցում ասաց արձակագիր, հրապարակախոս Գևորգ Տեր-Գաբրիելյանը:

Նրա դիտարկմամբ՝ երեք մակարդակում տեղի ունեցավ համացանց-մարդ հարաբերությունների ձևավորումը: «Առաջին մակարդակում համարվում էր, որ համացանցը բացարձակ օգուտ է, ինֆորմացիայի և կրթության աղբյուր: Երկրորդ մակարդակում սկսվեց ապատեղեկատվության հոսքը համացանցով և մարդկանց մասնակցությունն այդ ապատեղեկատվության տարածմանը, և ընդգծվեց քննադատական մտածողության, մեդիագրագիտության կարիքը. այստեղ 50-50 հարաբերակցություն էր՝ այսինքն՝ համացանցի տված օգուտը 50 տոկոսով մնում էր, իսկ 50 տոկոսվ էլ վտանգներ կային, որոնց պետք էր դիմակայել: Իսկ հիմա երրորդ մակարդակն է. հայկական համացանցային ոլորտը դիտարկելով՝ կարող ենք ասել, որ համացանցը հանրային հոգեբանության, հանրային արժեքների և կարծիքների վրա ազդելու տեսակետից հստակ վտանգ է ներկայացնում երկրի համար: Այժմ հատուկ զրահապատ քննադատական մտածողություն է պետք և համացանցից պաշտպանվել կամ ընտրողաբար մասնացել»,- նշեց Տեր-Գաբրիելյանը՝ հավելելով, որ պետք է հատուկ զգուշությամբ վերաբերվենք համացանցային իրադրություններին և սովորենք ֆիլտրել:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում