Մամուլի ազատության համաշխարհային օրը մենք վերահաստատում ենք մեր ամուր նվիրվածությունը մամուլի ազատությանը՝ որպես մեր քաղաքացիների իրավունքների պաշտպանության կարևոր բաղադրիչ՝ նշել են ՀՀ արտգործնախարարությունից:
«Նույն նպատակով մենք շարունակում ենք ապատեղեկատվությանը հակազդելու և տեխնոլոգիական արագ առաջընթացի հետ կապված խնդիրները լուծելու ջանքերը»,- ասված է ՀՀ ԱԳՆ խոսնակ Անի Բադալյանի՝ X-ի գրառման մեջ:
ՀՀ ԱԳՆ-ից հիշեցրել են մամուլի ազատության ցուցանիշներում Հայաստանը զգալի առաջընթացը, այդ թվում՝ «Լրագրողներ առանց սահմանների» կազմակերպության «Մամուլի ազատության 2025 թվականի ինդեքսում», որում Հայաստանը իր դիրքերը բարելավել է 9 հորիզոնականով՝ հայտնվելով 34-րդ տեղում: Բադալյանի խոսքով՝ դա ժողովրդավարության կայունության և բարեփոխումներ իրականացնելու ջանքերի վառ ապացույցն է: