Հայաստանի այս նախաձեռնությունը համահեղինակել են 38 պետություններ ՄԱԿ-ի բոլոր տարածաշրջանային խմբերից։
Հայտարարության մեջ, մասնավորապես, ասվում է, որ թեև թվային տեխնոլոգիաները, ներառյալ` արհեստական բանականությունը, հնարավորություններ և առավելություններ են ընձեռում, դրանց նախագծումը, զարգացումը, տեղակայումը և չարաշահումը կարող են նաև ռիսկեր պարունակել հիմնարար իրավունքների, ժողովրդավարության և օրենքի գերակայության տեսանկյունից: Միաժամանակ խոր մտահոգություն է հայտնվում վերջին տարիներին ատելության առցանց խոսքի և հետապնդումների աճի կապակցությամբ:
Համատեղ հայտարարության համահեղինակները շեշտում են, որ թվային դարաշրջանում անհրաժեշտ է հիմնավորապես պահպանել, պաշտպանել և խթանել կարծիքի և խոսքի ազատության իրավունքը՝ ընդգծելով, որ սոցիալական հարթակները ձգտում են պայքարել ատելության խոսք և հանցագործություններ հրահրող պետական և ոչ պետական դերակատարների չարաշահումների դեմ:
Համատեղ հայտարարության ամբողջական տարբերակը և համահեղինակների ցանկը հասանելի են հետևյալ հղումով՝ https://bit.ly/3yazRFt