81 տարեկանում կյանքից հեռացել է քանդակագործ, Հայաստանի վաստակավոր նկարիչ Յուրի Սուրենի Մինասյանը:
Այս մասին հայտնել են ՀՀ ԿԳՄՍ նախարարությունից։
«ԿԳՄՍ նախարարությունն իր վշտակցությունն է հայտնում Յուրի Մինասյանի ընտանիքի անդամներին, մերձավորներին, ընկերներին և նրա արվեստի երկրպագուներին»,- ասված է նախարարության հաղորդագրության մեջ:
Յուրի Մինասյանը ծնվել է 1942 թվականին Թբիլիսիում։ 1963 թվականին ավարտել է Երևանի գեղարվեստի ուսումնարանը, իսկ 1969 թվականին՝ Երևանի գեղարվեստաթատերական ինստիտուտը։
1969 թվականից մասնակցել է հանրապետական և միջազգային ցուցահանդեսների, մրցույթներում արժանացել մրցանակների։ 1970 թվականից դասավանդել է Երևանի գեղարվեստի ուսումնարանում։ 2015 թ. նրան շնորհվել է ՀՀ արվեստի վաստակավոր գործչի կոչում:
Յուրի Մինասյանը հեղինակել է բազմաթիվ ստեղծագործություններ, որոնցից են Ալեքսանդր Գրիբոեդովին նվիրված հուշարձանը, Մհեր Մկրտչյանին նվիրված հուշարձանը Գյումրիում, Քրիստոնեության ընդունման 1700-ամյակին նվիրված հուշարձանը Էջմիածնում և այլն։