Հյուսիսատլանտյան դաշինքի երկրները մտադիր են շարունակել օգնություն ցուցաբերել Ուկրաինային և նրան զենք մատակարարել, այդ թվում՝ հակատանկային սպառազինություններ, հակաօդային պաշտպանության համակարգեր և այլ սարքավորումներ: Այդ մասին հայտնել է ՆԱՏՕ-ի գլխավոր քարտուղար Ենս Ստոլտենբերգը։
Նրա խոսքով՝ ՆԱՏՕ-ն Ուկրաինային ռազմական աջակցություն է ցուցաբերում այնպիսի ծավալով, որը չի հանգեցնի Ռուսաստանի և դաշինքի միջև լայնածավալ պատերազմի:
Ստոլտենբերգը հավելել է, որ Ուկրաինայում Ռուսաստանի հատուկ գործողությունը դատապարտելուց՝ Չինաստանի հրաժարվելու պայմաններում ՆԱՏՕ-ի երկրները կխորացնեն համագործակցությունն Ասիա-խաղաղօվկիանոսյան տարածաշրջանի իրենց դաշնակիցների հետ:
Բացի այդ, ապրիլի 6-7-ը ՆԱՏՕ-ի արտգործնախարարները կքննարկեն դաշինքի նոր ռազմավարական հայեցակարգը, որում առաջին անգամ կընդգրկվի Չինաստանը: