Կապան-Գորիս ճանապարհին դիզվառելիքով բեռնված ավտոցիստեռնը կողաշրջվել է. վարորդը հոսպիտալացվել է

Հոկտեմբերի 25-ին, ժամը 02։03-ին Սյունիքի մարզային փրկարարական վարչության ճգնաժամային կառավարման կենտրոն ահազանգ է ստացվել, որ Վերին Խոտանան-Կապան ավտոճանապարհին տեղի է ունեցել ՃՏՊ՝ ցիստեռնը կողաշրջվել է, ինչից երթևեկությունը երկկողմանի փակվել է։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:

Պարզվել է, որ Կապան-Գորիս ավտոճանապարհի 22-րդ կմ-ին Mercedes-Benz մակնիշի ավտոցիստեռնը (բեռնված դիզվառելիքով, վարորդ՝ Ս. Բ., ծնված 1970 թ․) կողաշրջվել է, առկա է դիզվառելիքի արտահոսք․ երթևեկությունը երկկողմանի փակ է:

Փրկարարները վարորդին դուրս են բերել բեռնատարից և մոտեցրել շտապօգնության ավտոմեքենային, տուժածը հոսպիտալացվել է բժշկական կենտրոն:

Փրկարարները հոսանքազրկել են ավտոցիստեռնը և իրականացրել ճանապարհի լվացման աշխատանքներ։

Related posts

Հայաստանը ողջունում է Հնդկաստանի և Պակիստանի միջև հրադադարի համաձայնությունը. ԱԳՆ

Մոսկվան Կիևին առաջարկել է մայիսի 15-ին Ստամբուլում անցկացնել ուղիղ բանակցություններ

Հայաստանը մասնակցում է Վենետիկի ճարտարապետական 19-րդ միջազգային բիենալեին