Հոկտեմբերի 24-ին հեռախոսազրույց են ունեցել ՌԴ և Ադրբեջանի ԱԳ նախարարներ Սերգեյ Լավրովն ու Ջեյհուն Բայրամովը: ՌԴ ԱԳՆ-ից հայտնում են, որ նախարարները քննարկել են երկկողմ հարաբերությունների արդիական հարցեր` ի զարգացումն հոկտեմբերի 12-ին ՌԴ և Ադրբեջանի ղեկավարների ունեցած շփումների:
Զրույցի ընթացքում բարձր գնահատական է տրվել հոկտեմբերի 23-ին Թեհրանում տարածաշրջանային խորհրդատվական «3+3» հարթակի` ԱԳ նախարարների մակարդակով կայացած նիստին:
Պայմանավորվածություն է ձեռք բերվել այս ձևաչափի զարգացման ուղղությամբ ռիթմիկ աշխատանքները շարունակելու մասին:
Վերահաստատվել է Հայաստանի ու Ադրբեջանի հարաբերությունների կարգավորման ուղղությամբ ջանքերի ավելացման անհրաժեշտությունը` հիմք ընդունելով 2020-2022 թթ. բարձր մակարդակով ձեռք բերված եռակողմ պայմանավորվածությունները: