«Աջակցություն Հայաստանում կանաչ տնտեսության առաջխաղացմանն ու կառուցողական հանրային երկխոսությանը» ծրագիրն իրականացնում է «Բիոսոֆիա» հասարակական կազմակերպությունը Գլոբալ էկոլոգիական հիմնադրամի ֆինանսավորմամբ: Ծրագրի շրջանակներում Հայաստանի տնտեսության կանաչ փոխակերպման քաղաքականության մշակման աշխատաժողով է կայացել Գյումրիում:
Ծրագիրը միտված է աջակցելու Հայաստանում տնտեսության կանաչ փոխակերպման քաղաքականության ներդրման ռազմավարական փաստաթղթերի մշակմանը՝ ցույց տալով, թե ինչպես կանաչ եւ բնության վրա հիմնված լուծումները կարող են օգնել ամրապնդել երկրի տնտեսության մրցունակությունն ու ճկունությունը՝ միաժամանակ նվազեցնելով ճնշումը բնական էկոհամակարգերի վրա՝ պակասեցնելով աղտոտվածությունը, խթանելով սոցիալական համախմբվածությունն ու ավելացնելով սոցիալական օգուտները: