Ախուրյանի մոր եւ մանկան առողջության կենտրոնում երկու օր առաջ լարված մթնոլորտ էր. 41-ամյա կինը պետք է հաղթահարեր հոգեբանական ու ֆիզիկական բազմաթիվ դժվարություններ, որպեսզի երեխան լույս աշխարհ գար: Պայքարը ոչ միայն որդի ունենալու բերկրանքը եւս մեկ անգամ զգալու, այլ պատերազմում կորցրած որդուն մյուս զավակի շնորհիվ վերագտնելու համար էր: Հենրիկ Ասատուրյանը մոր երազում կարծես պարտադրել էր ծնողներին զավակ ունենալ: