Խարբերդում վագոն-տնակ է այրվել․ քաղաքացի է տուժել

Դեկտեմբերի 13-ին, ժամը 17:39-ին Ճգնաժամային կառավարման ազգային կենտրոն ահազանգ է ստացվել, որ Երևանի Խարբերդի ամառանոցների 5-րդ փողոցի տներից մեկում հրդեհ է բռնկվել։

Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ, Բժշկական ապահովման վարչության հերթապահ, Ճգնաժամային կառավարման ազգային կենտրոնի օպերատիվ խմբերը։

Պարզվել է, որ հրդեհը բռնկվել է Խարբերդի ամառանոցների 6-րդ փողոցում գտնվող վագոն-տնակում։

Հրդեհը մեկուսացվել է ժամը 18։11-ին, մարվել՝ 20:45-ին։ Այրվել են վագոն-տնակի (30 քմ) ներսի փայտե երեսպատումը և գույքը, վագոն-տնակին հարակից կայանած «Nissan» ավտոմեքենայի դիմացի հատվածը:

Հրդեհի հետևանքով տուժել է քաղաքացի Է. Օ․-ն, ում շտապօգնության աշխատակիցները տեղում ցուցաբերել են համապատասխան բուժօգնություն։

Related posts

Կրկին ուժգին ամպրոպ է․ Գագիկ Սուրենյանը տեսանյութ է հրապարակել

Լոռու և Տավուշի հեղեղված համայնքներն ու բնակավայրերը Կառավարության կողմից կհայտարարվեն աղետի գոտիներ

Ծեծկռտուք՝ դպրոցի մոտ․ մասնակիցները անչափահասներ են, նրանցից մեկը հիվանդանոցում է