Իրանը ողջունում է Ադրբեջանի և Հայաստանի միջև խաղաղության հռչակագրի ստորագրումը: Այս մասին ասել է Իրանի ԱԳՆ պաշտոնական ներկայացուցիչ Էսմայիլ Բաղաեին մամուլի ասուլիսի ժամանակ: Նրա խոսքով՝ Իրանը ողջունում է Ադրբեջանի և Հայաստանի միջև խաղաղության հռչակագրի ստորագրումը:
«Ադրբեջանի և Հայաստանի կողմից հռչակագրի ստորագրումը երկու երկրի ինքնիշխան որոշումն էր։ Մենք ողջունում ենք Ադրբեջանի և Հայաստանի միջև խաղաղության հռչակագրի ստորագրումը, որը ճանապարհ կհարթի տարածաշրջանում կայուն անվտանգության համար»,- ասել է Բաղաեին։
Մեկնաբանելով «Թրամփի երթուղու» ստեղծումը՝ նա նշել է, որ Իրանը հանդես է գալիս շրջափակման վերացման և հաղորդուղիների կառուցման օգտին, սակայն այդ ուղիները պետք է իրականացվեն «միջազգայնորեն ճանաչված սահմանների պահպանմամբ և առանց աշխարհաքաղաքական պայմանների փոփոխության»: Բաղաեին ընդգծել է, որ Իրանը մտահոգված է տարածաշրջանում օտարերկրյա զինված ուժերի հնարավոր ներկայությամբ: «Մեզ հավաստիացրել են, որ որևէ օտարերկրյա զինված ուժ չի տեղակայվի տարածաշրջանում»,- նշել է նա: