Իրանի խորհրդարանի խոսնակ Մոհամմադ Բաղեր Ղալիբաֆը զգուշացրել է ԱՄՆ նախագահ Դոնալդ Թրամփին, որ «ցանկացած հարձակում» կհանգեցնի Իսրայելին և տարածաշրջանում ամերիկյան բազաներին Թեհրանի պատասխան հարվածին: Այդ մասին հայտնում է Reuters-ը:
Իսրայելը բարձր պատրաստվածության վիճակում է ԱՄՆ-ի կողմից Իրանի գործերին հնարավոր միջամտության ֆոնին, որտեղ երկրի տնտեսական իրավիճակի հետևանքով բողոքի ցույցեր են։
Նախօրեին այդ հարցը քննարկել են Իսրայելի վարչապետ Բենիամին Նեթանյահուն և ԱՄՆ պետքարտուղար Մարկո Ռուբիոն:
Reuters-ի տվյալներով՝ Իսրայելը ցանկություն չի հայտնել միջամտել Իրանում տեղի ունեցող գործընթացներին:
Մինչ այդ NYT-ը, վկայակոչելով աղբյուրներին, հայտնել էր, որ ԱՄՆ նախագահը դիտարկում է Իրանին ռազմական հարվածներ հասցնելու հնարավորությունը: