Պակիստանից հայտնել են, որ մայրաքաղաք Իսլամաբադի մոտակայքում երկու անօդաչու թռչող սարք են որսացել։ Տեղական ԶԼՄ-ների տվյալներով՝ իշխանությունը տեղի ունեցածի համար մեղադրում է թալիբների հետ կապված զինված խմբավորումներին։ Իսլամաբադի օդային տարածքը կարճ ժամանակով փակվել է։
Մարտի 13-ին Քաբուլից հայտնել էին, որ Պակիստանի զինված ուժերը ավիահարվածներ են հասցրել Աֆղանստանի տարածքին, թիրախում են հայտնվել մայրաքաղաքում և այլ բնակավայրերում օբյեկտներ, այդ թվում՝ վառելիքի պահեստներ:
Հաղորդվել է զոհերի և վիրավորների մասին: Աֆղանստանի ՊՆ-ի տվյալով՝ ի պատասխան՝ թալիբները հարվածել են Պակիստանում ռազմավարական օբյեկտների:
Երկու երկրի միջև սահմանային բախումները սկսվել էին փետրվարի վերջին՝ չնայած 2025 թվականին ձեռք բերված հրադադարին։ Իսլամաբադը պնդում է, որ Քաբուլն ապաստան է տալիս Պակիստանի դեմ գործող զինյալների։ «Թալիբանը» հերքում է այդ մեղադրանքները։