ԱՄՆ նախագահ Դոնալդ Թրամփն Իսրայելից պահանջել է չհարվածել Բեյրութին և Թել Ավիվը ստիպված է համաձայնել։
«ԱՄՆ ճնշումը վտանգում է Նեթանյահուի (ընտրական) ռազմավարությունը։ Բոլոր ռազմական նվաճումները հիմա կասկածի տակ են, և անորոշ է նաև առաջիկա խորհրդարանական ընտրությունում նրա՝ հաղթանակի հասնելու կարողությունը»,- գրում է Al Monitor պորտալը՝ հղում անելով Նեթանյահուին մոտ կանգնած աղբյուրներին։
Իսրայելի վարչապետը վախենում է իր «Լիկուդ» կուսակցության պարտությունից՝ Լիբանանում ռազմական գործողությունները դադարեցնելու ԱՄՆ ճնշման պատճառով: Մինչդեռ 2023-ի հոկտեմբերի 7-ից հետո նա խոստացել էր «լիակատար հաղթանակ»՝ հաղորդում է պորտալը:
Նեթանյահուի նախընտրական քարոզարշավը հիմնականում հիմնվելու է Իսրայելի անվտանգության ապահովման հաջողությունների և Լիբանանում «Հըզբոլլահ»-ի, Գազայում «ՀԱՄԱՍ»-ի ու Իրանի դեմ պայքարում կոնկրետ արդյունքների վրա։
Աղբյուրի տվյալով՝ «Եթե հրադադարի մասին համաձայնագիրը, որը Թրամփի վարչակազմը կարող է կնքել Իրանի հետ, չենթադրի Իրանի միջուկային ծրագրի ապամոնտաժում, իսկ Գազայում ու Լիբանանում իրավիճակը մնա չլուծված, Նեթանյահուն ընտրություններից առաջ կբախվի շատ բարդ իրավիճակի»։