Միայն այս ամիս զոհվել է Ռուսաստանի մոտ 20,000 զինվորական՝ հայտարարել է ԱՄՆ նախագահ Դոնալդ Թրամփը՝ անդրադառնալով ռուս-ուկրաինական հակամարտությանը։
«Տարվա սկզբից Ռուսաստանը կորցրել է 112,500 զինվոր։ Անտեղի մահեր են։ Ուկրաինան նույնպես տուժել է։ 2025 թվականի հունվարի 1-ից նրանք կորցրել են մոտ 8,000 զինվոր, և այս թիվը չի ներառում անհետ կորածներին»,- մանրամասնել է Թրամփը, հույս հայտնել, որ իրեն կհաջողվի դադարեցնել պատերազմը:
Սպիտակ տան ղեկավարը նաև հայտարարել է, որ շատ խիստ դիրքորոշում է որդեգրել Ռուսաստանի հանդեպ: Դոնալդ Թրամփի համոզմամբ՝ Մոսկվան կարողանում է շրջանցել պատժամիջոցները, սակայն ինքը, միևնույն է, պատրաստ է դրանք սահմանել:
«Պուտինը հավանաբար ցանկանում է գրավել ամբողջ Ուկրաինան, բայց դա շատ բարդ կլինի անել»,- շեշտել է ԱՄՆ նախագահը:
Մինչ այդ Կիևը և Մոսկվան հայտնել են փոխադարձ հարվածների մասին: Ուկրաինան Կիևի վրա զանգվածային հարձակմանն ի պատասխան ԱԹՍ-ներով հարվածել է Պենզային, Ռյազանին, Սամարային, Բելգորոդին և այլ շրջանների: Հայտնի է զոհերի մասին: Տուժել են արդյունաբերական ձեռնարկություններ: