Թուրքիայում երկրաշարժերի զոհերի թիվը հատել է 49,5 հազարը

Այս մասին հայտնել է Թուրքիայի փոխնախագահ Ֆուաթ Օքթայը, փոխանցում է infoport-ը:

«Երկրաշարժերի հետևանքով զոհվել է 49 589 մարդ, այդ թվում՝ 6 807 օտարերկրյա քաղաքացի»,-ասել է Օքթայը։

Փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ էր տեղի ունեցել, որն ավերածությունների էր հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ էր գրանցվել։ Էպիկենտրոնային գոտում ստորգետնյա ցնցման ուժգնությունը կազմել էր 10-11 բալ:

Աձանագրվել է 4000–ից ավելի հետցնցում։