Թուրքիայի և Սիրիայի պաշտպանական գերատեսչությունների միջև քննարկումները կշարունակվեն և ավելի ինտենսիվ կդառնան՝ հայտարարել է Թուրքիայի պաշտպանության նախարար Հուլուսի Աքարը՝ մեկնաբանելով դեկտեմբերի 28-ին Մոսկվայում սիրիացի գործընկերոջ հետ բանակցությունների արդյունքները։
Նրա խոսքով՝ նոր շփումների ժամկետներ դեռ չեն քննարկվել։ Աքարը նաև չի բացառել, որ Դամասկոսը և Անկարան կարող են համատեղ գործողություն անցկացնել՝ նրա խոսքով՝ մաքրելու Սիրիայի հյուսիսային շրջանները ահաբեկիչներից։
Նախարարը նաև հավելել է, որ Թուրքիան կշարունակի անել հնարավորը՝ երկրի շահերը պաշտպանելու և անվտանգությունն ապահովելու համար։