Գյումրիում սկսվել են անձրեւները, իսկ Անի թաղամասի փողոցներում անանցանելի վիճակ է՝ հեղեղումների պատճառով:
Ջրափոսերը բարդությամբ են հաղթահարում թաղամասի բնակիչները, որ այս տարի եւս իրենց թաղամասում ամբողջական շինարարություն չեն տեսնի: Վերակառուցման եւ զարգացման եվրոպական բանկի կողմից տրամադրվող գումարը նախատեսված է քաղաքում լուսավորության անցկացման համար, հիմա համայնքապետի խոսքով՝ հարկ կա հիմնավորելու, որ ավելի կարեւոր է այդ գումարով վերակառուցել թաղամասը: Այդ նպատակով գումար, ավագանու որոշմամբ, հատկացվել է փորձագիտական աշխատանքների համար, այնուամենայնիվ, համայնքապետի խոսքով` եթե գործընթացը դրական պատասխան ստանա, այս տարվա շինարարական սեզոնը արդեն անցած կլինի: