Թուրքիայի նախագահ Ռեջեփ Էրդողանը և ԱՄՆ նախագահ Դոնալդ Թրամփը հեռախոսազրույց են ունեցել: Թուրքիայի նախագահի մամուլի ծառայության տվյալով՝ կողմերը քննարկել են երկկողմ հարաբերությունները, ինչպես նաև տարածաշրջանային և գլոբալ զարգացումները:
Էրդողանը նշել է, որ Իրանի և ԱՄՆ-ի միջև լարվածության պայմաններում չափազանց կարևոր է առավելագույնս օգտագործել դիվանագիտությունը, հույս է հայտնել, որ բանակցությունները կշարունակվեն, և ընդգծել, որ Թուրքիան կշարունակի աջակցել խաղաղության հասնելու ջանքերին:
Նրա խոսքով՝ Գազայում խաղաղության գործընթացի երկրորդ փուլին զուգահեռ, նկատվում է պաղեստինցիների դեմ Իսրայելի ղեկավարության գործողությունների աճ, և որ Թուրքիան կշարունակի աջակցել տարածաշրջանում կայուն խաղաղ կարգավորմանը, ինչպես նաև Գազայի վերականգնմանն ուղղված քայլերին:
Մեկնաբանելով Պակիստանի և Սաուդյան Արաբիայի հետ ստորագրված Մեքքայի համաձայնագիրը՝ Էրդողանն ընդգծել է՝ փաստաթուղթը վկայում է տարածաշրջանում կարգուկանոնի և անվտանգության պահպանման հարցում մասնակիցների լուրջ տրամադրվածության մասին: