Գյումրու Բուլվարային Արագած 2 թաղամասի բնակիչների խոսքով՝ տարվա բոլոր եղանակներին այս թաղամասում ցեխն ու փոսերով լի ճանապարհը դառնում են սպորտային խաղի հերթական փուլ: Թաղամասի անունը լսելուց հետո տաքսու վարորդները հրաժարվում են այստեղ մտնել. նշում են բնակիչները:
Նույն խնդրով բողոքում են նաեւ Նորավան թաղամասի Նիզամի փողոցի բնակիչները. այստեղ էլ կարծում են՝ սալիկապատված է փողոցը, ուղղակի, շարքային քաղաքացին ի զորու չէ տեսնել: Բնակիչների խոսքով՝ համայնքապետարանն է այդպես ասել: