Ուկրաինայի նախագահ Վլադիմիր Զելենսկին շնորհակալություն է հայտնել Ադրբեջանի նախագահ Իլհամ Ալիևին՝ իր երկրին օգնելու համար:
«Ես շնորհակալ եմ նախագահ Իլհամ Ալիևին Ուկրաինայի կարիքները բավարարելու նպատակով էներգետիկ սարքավորումների ձեռքբերման համար օգնություն հատկացնելու որոշման համար։ Բարեկամ Ադրբեջանի այս աջակցությունը կարևոր է Ուկրաինայի էներգետիկ համալիրի կայունությունն ապահովելու համար՝ ագրեսորի մշտական հարձակումների պայմաններում։ Մենք շարունակում ենք ակտիվ աշխատել մեր գործընկերների հետ Ուկրաինայի էներգետիկ համակարգը ձմռանը նախապատրաստելու համար»,- թվիթերյան միկրոբլոգում գրել է Զելենսկին։