Ուկրաինայի նախագահ Վոլոդիմիր Զելենսկին հեռախոսազրույց է ունեցել Նիդերլանդների վարչապետ Դիք Սխոոֆի հետ:
«Իհարկե, մենք խոսեցինք գործընկերների հետ մեր դիվանագիտական աշխատանքի և Վաշինգտոնում հանդիպումների մասին: Հիմա կա այս պատերազմը դադարեցնելու իրական հնարավորություն»,- գրել է Զելենսկին Telegram-ի իր ալիքում: Նա նշել է, որ Սխոոֆի հետ քննարկել են նաև անվտանգության երաշխիքները, հավելել՝ այժմ Ուկրաինայի, ԱՄՆ-ի և եվրոպացի գործընկերների թիմերն աշխատում են դրանց ճարտարապետության վրա: «Բոլոր զարգացումները պատրաստ կլինեն առաջիկա օրերին»,- հավելել է Ուկրաինայի ղեկավարը։
Զելենսկին կրկին հիշեցրել է, որ անհրաժեշտ է շարունակել ճնշում գործադրել Մոսկվայի վրա, որը, իր խոսքով, չի ցուցաբերում խաղաղության որևէ մտադրություն, որպեսզի փոխի իր դիրքորոշումը և համաձայնի բարձր մակարդակի հանդիպման՝ բոլոր հարցերը քննարկելու համար։