Սփյուռքի գլխավոր հանձնակատարի գրասենյակից տեղեկացնում են՝ Բելառուս աշխատանքային այցի շրջանակներում գլխավոր հանձնակատար Զարեհ Սինանյանը հանդիպում է ունեցել Մինսկի թիվ 4 միջնակարգ դպրոցում գործող հայկական կիրակնօրյա դպրոցի տնօրենի և ուսուցչական կազմի հետ։
Հանդիպման մասնակիցները ընդգծել են դպրոցի գործունեության կարևորությունը հայապահպանության գործում։ Քննարկվել են դպրոցի կրթական ծրագրերի հագեցվածության, ուսուցչական անձնակազմի՝ Հայաստանում մասնագիտական վերապատրաստման, դպրոցի սաների համար կրթական ուղղվածության մոտիվացիոն-ինտելեկտուալ մրցույթներին ներգրավման հարցերը։