Արթիկ և Ախուրյան համայնքներն ունեն ընդհանուր սահման, սակայն չունեն ինչպես ներհամայնքային, այնպես էլ միջհամայնքային արդյունավետ գործող տրանսպորտային համակարգեր, ինչը խոչընդոտում է միջհամայնքային կապերի ամրապնդմանը, բնակչության ազատ և անխոչընդոտ տեղարաշարժին: Այս մարտահրավերի լուծումը պահանջում է տրանսպորտային ծառայությունների և համայնքի կարիքների առկա բացերի համապարփակ ուսումնասիրություն: Հենց այդ նպատակով իրականացվեց « Բարելավված տրանսպորտային համակարգ՝ հանուն Արթիկ և Ախուրյան համայնքների զարգացման ծրագիրը»՝ Եվրոպայի խորհրդի ֆինանսավորմամբ: Դեկտեմբերի 26-27-ին town hall ձևաչափով իրականացված հանդիպում- քննարկումների ընթացքում ներկայացվել են ծրագրի արդյունքները, կարծիքներ ու առաջարկներ լսել բնակիչներից, Ախուրյանի և Արթիկի համայնքապետարանների և քաղհասարակության ներկայացուցիչներից: