Գիշերը 4,3 մագնիտուդ հզորությամբ երկրաշարժ է գրանցվել Կամչատկա թերակղզու արևելյան ափին գտնվող Կրոնոցկի ծովածոցի ջրերում:
Ցնցման էպիկենտրոնը գտնվել է Պետրոպավլովսկ-Կամչատսկից 102 կմ հյուսիս-արևելք, օջախը՝ ծովի հատակից 64 կմ խորության վրա:
ՌԴ Արտակարգ իրավիճակների նախարարության տարածաշրջանային շտաբից հայտնել են, որ երկրաշարժը չի զգացվել Կամչատկայի երկրամասի բնակավայրերում։ Ցունամիի սպառնալիք չի հայտարարվել։