News.am. Հանրապետության հրապաակում մեկնարկել է երկնային ջահերի արձակումը՝ ի հիշատակ պատերազմում մեր հերոսացած տղաների: Օդապարուկներով լուսավորվելու է գիշերային երկինքը:
Ժամը 23:15-ին Տեր Հայրը հանդես կգա իր աղոթքով և խոսքով՝ ի հիշատակ մեր հերոսացած տղաների: Այնուհետեւ քաղաքացիներին անվճար կբաժանվեն օդապարուկներ, որոնք ուղիղ ժամը 00.00-ին օդ կարձակվեն:
Նշենք, որ նույն միջոցառումը տեղի է ունենալու նաեւ Ստեփանակերտում:
Հիշեցնենք, որ այս տարի Երեւանում տոնական միջոցառումներ նախատեսված չեն, սակայն օրը եւս մեկ խորհուրդ ունի՝ համախմբվելու, անցնող տարվա կարեւոր իրադարձությունները հիշելու եւ եկող տարվա անելիքները ուրվագծելու խորհուրդ: