Խիզախ ու հայրենասեր Նվերը միայն դիմագծերով չէ, որ նման էր հորը՝ պարոն Սամվելին, զինվորական մասնագիտությունն էլ, որը ճակատագրական դարձավ, եւս պատահական չէր ընտրված. հայրն էլ զինվորական է եղել: Նմանություններն այսքանով չեն սահմանափակվում մեծ ընտանիքի զավակի. 3 եղբայր ու 2 քույր էին, սեփական ընտանիքը եւս մեծ է. Նվերի 4 երեխաներն են՝ հորը կարոտած ու հիշողություն մնացած լուսանկարները ձեռքերին: Ասատրյանների ընտանիքը Արագածոտնի մարզի Կոշ գյուղից էր տեղափոխվել Գյումրի դեռ տասնամյակներ առաջ՝ 88-ի երկրաշարժից հետո. չնայած Նվերի հորաքույրը դեմ էր այդ մտքին: